ЗЕЛЕНСКИ ОТКРИ ШТО САКА ДА РАБОТИ ПО ПРЕТСЕДАТЕЛСКИОТ МАНДАТ: „Се надевам дека ќе можам да живеам во Украина“

Украинскиот претседател зборуваше за животот по завршувањето на војната

Украинскиот претседател Володимир Зеленски откри што би сакал да прави откако ќе заврши неговиот претседателски мандат. Во интервју за „Волстрит џурнал“, тој рече дека сака по војната повторно да може слободно да живее во Украина и да шета по улиците без страв и омраза. Зеленски призна дека во текот на војната направил грешки, но посочи дека работата во услови на војна носи огромен број тешки одлуки. Тој нагласи дека неговите постапки ги поврзува со обидите да се помогне во постигнување договор за ставање крај на војната. „Се надевам дека има многу добри луѓе околу нас“, рече Зеленски, говорејќи за животот по претседателската функција. Тој додаде дека сака да остане во својата земја и по завршувањето на политичкиот ангажман.

Зеленски призна дека војната носи многу тешки одлуки

Украинскиот претседател истакна дека во текот на војната морал да носи голем број одлуки и да постигнува договори, вклучително и во соработката со американскиот претседател Доналд Трамп. Тој рече дека на крајот од денот најважни му се односот кон работата, земјата и народот.