ГОЛЕМ НАСТАН ЗА ЖИВОТНИТЕ ВО КИСЕЛА ВОДА: Општината и „Лајка“ ги повикуваат граѓаните во парк „Македонија“

Ќе има активности посветени на заштитата и грижата за животните

Општина Кисела Вода и ЈП „Лајка“ организираат голем настан во парк „Македонија“, по повод Светскиот ден на животните. Настанот е најавен за 4 октомври, кога граѓаните ќе имаат можност да поминат време со миленици и да се информираат за одговорното чување на животните. Во рамки на програмата се предвидени активности за најмладите, дружење со кучиња и содржини посветени на заштитата на животните. Организаторите упатуваат повик до сите љубители на животните да бидат дел од настанот и да ја поддржат иницијативата. Посебен акцент ќе биде ставен на вдомувањето и грижата за бездомните животни. Од Општина Кисела Вода велат дека преку вакви активности сакаат да ја подигнат свеста за одговорниот однос кон животните.

Настанот од Лајка и општината ќе биде отворен за сите граѓани

Посетителите ќе можат да се запознаат со активностите на ЈП „Лајка“ и да дознаат повеќе за можностите за вдомување на кучиња. Организаторите очекуваат голем број семејства и љубители на животните да се приклучат на настанот во парк „Македонија“.