Проф. д-р Димитар Гелев избран за декан на Правниот факултет „Јустинијан Први“

Проф. д-р Димитар Гелев е избран за нов декан на Правниот факултет „Јустинијан Први“ при Универзитетот „Св. Кирил и Методиј“ во Скопје.

Изборот беше направен денеска на седница на Наставно-научниот совет на Правниот факултет, кој му ја довери функцијата декан за претстојниот мандат.

Гелев е долгогодишен професор на Правниот факултет „Јустинијан Први“ и е дел од академската заедница на факултетот со долгогодишно наставно и научно искуство.

Со денешната одлука завршува постапката за избор на нов декан, кој во следниот период ќе го предводи еден од најстарите и најголеми факултети во рамки на УКИМ.