БЕЗБЕДЕН ГРАД СЕ ПРОШИРУВА: Еве од кога е и во Охрид

Системот за сообраќаен надзор „Безбеден град“ од понеделник, 12 октомври, започнува со работа и на подрачјето на Секторот за внатрешни работи Охрид, информира Министерството за внатрешни работи. Камерите ќе бидат активирани по завршувањето на техничките проверки и финалните тестирања. Со ова, системот за автоматско следење на сообраќајот го проширува опфатот и во охридскиот регион.

КАМЕРИТЕ ЌЕ ОТКРИВААТ СООБРАЌАЈНИ ПРЕКРШОЦИ

Од МВР посочуваат дека активирањето на системот треба да овозможи засилена и континуирана контрола на сообраќајот. Целта е навремено откривање на прекршоците, зголемување на сообраќајната дисциплина и подобрување на безбедноста на патиштата.

МВР СО АПЕЛ ДО ВОЗАЧИТЕ

Министерството апелира до сите учесници во сообраќајот доследно да ги почитуваат правилата и прописите. Одговорното однесување зад воланот, како што наведуваат од МВР, е важно за поголема безбедност на патиштата.