ПРОМЕНЛИВО ОБЛАЧНО ВРЕМЕ СО ДОЖД: Температурите денеска ќе достигнат до 22 степени

Денеска, 12 октомври, времето во Македонија ќе биде променливо облачно, со повремени локални врнежи од дожд. Ќе дува умерен ветер, а долж Повардарието повремено ќе биде засилен, со можност за силни налети од северозападен правец.

Утринските температури до 14 степени

Минималните температури ќе се движат од 8 до 14 степени, а најстудено ќе биде во повисоките и западните предели. Во текот на денот максималните температури ќе достигнат од 14 до 22 степени, при што најтопло се очекува да биде во југоисточниот дел од земјата.

Во Скопје повремен дожд и северен ветер

Во Скопје ќе биде променливо облачно, со повремени врнежи од дожд. Ќе дува умерен до засилен северен ветер, а температурата ќе се движи од 14 степени наутро до околу 19 степени во текот на денот.