ЦРНА ГОРА ЗАТВОРА ТРИ ПОГЛАВЈА СО ЕУ: Подгорица чекори кон членство до 2028 година

Црна Гора денеска треба привремено да затвори три преговарачки поглавја во процесот на пристапување кон Европската Унија, наместо претходно најавените две. Ова го соопшти вицепремиерот задолжен за надворешни и европски работи, Филип Ивановиќ, оценувајќи дека станува збор за значаен чекор за европската интеграција на земјата. Досега Црна Гора привремено има затворено 18 од вкупно 33 преговарачки поглавја.

Црна Гора сака да стане членка на ЕУ до 2028 година

Ивановиќ порача дека Владата останува посветена на исполнувањето на обврските од европската агенда и на спроведувањето на потребните реформи. Според него, затворањето на новите поглавја ќе ја приближи земјата до целта да стане 28. членка на Европската Унија до 2028 година. Подгорица претходно најави амбиција да ги заврши пристапните преговори до крајот на 2026 година.

Преговорите влегуваат во клучна фаза

Црна Гора ги има отворено сите 33 преговарачки поглавја, а нивното привремено затворање значи дека земјата ги исполнила условите за конкретни области, но не и дека преговорите се целосно завршени. За членство во ЕУ потребно е да се постигне договор за сите поглавја и да се исполнат преостанатите услови. Напредокот на Црна Гора се следи во период кога проширувањето на Унијата повторно е во фокусот на европската политика.