ЕКО-СВЕСТ БАРА ИТНИ МЕРКИ ЗА ЈУГОХРОМ: Можен ризик за изворот Рашче

Еколошката организација „Еко-свест“ бара од министерот за животна средина итно да преземе мерки за решавање на проблемот со поранешниот индустриски комплекс „Југохром“ во Јегуновце. Организацијата предупредува дека прашањето со загадувањето и управувањето со индустрискиот отпад не смее да остане нерешено. Од надлежните се бара конкретен план и навремени активности за заштита на животната средина и здравјето на локалното население.

Еко-свест – Токсичната депонија со шестовалентен хром е ризик за изворот Рашче

Барањето на „Еко-свест“ доаѓа по предупредувањата за ризикот токсичната депонија во Јегуновце да го загади изворот за вода Рашче, од кој се снабдува Скопје. По актуелизирањето на опасноста, Владата одлучила да преземе мерки за спречување на загадувањето.

Постои можност за финансирање, но рокот е краток

Од „Еко-свест“ информираат дека постои донатор подготвен преку грант да го финансира првиот чекор – санирање на пречистителната станица и подготовка за расчистување на депонијата со шестовалентен хром. За да се обезбедат средствата, министерот за животна средина треба итно да ја достави потребната документација. Организацијата предупредува дека доколку рокот не биде испочитуван, финансиската помош може да биде изгубена, а ризикот од понатамошно загадување ќе остане