БЕНЗИНИТЕ ПОЕВТИНУВААТ ЗА ПЕТ ДЕНАРИ: Дизелот останува 99 денари за литар

Од полноќ, односно од 27 октомври во 00:01 часот, бензините во Македонија ќе поевтинат за пет денари по литар, додека цената на дизелот останува непроменета. Регулаторната комисија за енергетика донесе одлука со која просечното намалување на малопродажните цени на нафтените деривати изнесува 1,89 проценти.

Со новата одлука, Еуросупер БС-95 ќе се продава по максимална цена од 91 денар за литар, наместо досегашните 96 денари. Еуросупер БС-98 поевтинува од 98 на 93 денари за литар.

Цената на Еуродизел останува непроменета и ќе изнесува 99 денари за литар. Екстра лесното масло за домаќинство поевтинува за 50 дени за литар, со нова максимална цена од 110 денари.

За разлика од бензините, мазутот поскапува за 0,694 денари за килограм, па неговата максимална малопродажна цена ќе изнесува 54,273 денари за килограм.

Новите цени се утврдени врз основа на движењата на референтните цени на нафтените деривати на светските пазари и промените на девизниот курс. Станува збор за максимални дозволени цени, што значи дека бензинските пумпи можат да ги продаваат горивата и пониско од утврдените износи.

Извор: Експрес