Бронза за Мила Релиќ на Светското првенство по теквондо во Кина

Три големи победи до полуфиналето

Мила Релиќ освои бронзен медал на Светското првенство за жени во Кина во категоријата до 62 килограми за сениорки. Македонката оствари три одлични победи во нокаут-фазата, совладувајќи ги Санг Џијао од Кина, Уктамјонова Мохидил од Узбекистан и Ванг Веи Чиа од Тајпеј. Релиќ во сите три борби покажа голема борбеност и квалитет, а до четвртфиналето стигна со победи од 2:0, 2:1 и 2:1. Со тоа обезбеди место меѓу најдобрите натпреварувачки на светскиот шампионат.

На Мила Релиќ малку ѝ недостигаше до големото финале

Во полуфиналето Релиќ се соочи со Софија Мотлок од Русија, против која загуби со 1:2 во исклучително неизвесна борба. Македонката до самиот крај беше во игра за победа, а само секунди ја делеа од пласман во големото финале. И покрај поразот, Релиќ со освоената бронза оствари голем успех на светската сцена и потврди дека има квалитет за највисоки дострели. За нејзиниот успех голема заслуга има и тренерот Стефан Миленковски, кој ја водеше низ шампионатот. Бронзениот медал е уште еден значаен резултат за македонскиот спорт и заслужена награда за одличниот настап на Релиќ.