ДЕНОВИ НА ХРВАТСКИ ФИЛМOВИ ВО СКОПЈЕ: Од 22 до 27 септември во Кинотеката

Шест дена со современи и наградувани Хрватски филмови

Од 22 до 27 септември во Кинотеката на Македонија ќе се одржи манифестацијата „Денови на хрватскиот филм“, со селекција од современи и наградувани хрватски филмови. Настанот го организираат Кинотеката и Амбасадата на Република Хрватска во Македонија, а отворањето е закажано за 22 септември во 20 часот. Програмата ќе започне со изложба на филмски плакати, по што ќе биде прикажан краткометражниот филм „Човекот кој не можеше да молчи“, кој беше номиниран за Оскар во 2025 година и ја освои „Златната палма“ во Кан во 2024 година.

На програмата филмови наградувани на престижни фестивали

Во следните денови публиката ќе може да ги погледне „Седмо небо“, „Фрка“, „Прослава“, култниот „Пејте нешто љубовно“ и „Риека или смрт!“. Дел од филмовите се носители на признанија од Пулскиот филмски фестивал, а „Риека или смрт!“ освои награди и на фестивалите во Ротердам и на Европските филмски награди. Сите проекции започнуваат во 20 часот, а програмата трае до 27 септември.