ДО 39 СТЕПЕНИ ВО МАКЕДОНИЈА: Сончево и многу топло време

Температурите повторно ќе се доближат до 40 степени

Денеска во Македонија ќе преовладува сончево и многу топло време, со мала до умерена локална облачност. Ќе дува слаб до умерен ветер од променлив правец. Утринските температури ќе се движат од 11 до 21 степен, додека дневните ќе достигнат од 31 до 39 степени. Најтопло се очекува да биде во јужните и југоисточните делови од земјата, каде максималната температура ќе достигне 39 степени.

Во Скопје сончево и многу топло

Во Скопје ќе биде сончево и многу топло, со мала облачност и слаб променлив ветер. Температурата во главниот град ќе се движи од 15 степени наутро до 38 степени во текот на денот. На граѓаните им се препорачува да избегнуваат подолг престој на отворено во најтоплиот период и да внесуваат доволно течности.