ЃОРЧЕСКА ЗАСТАНА ВО АНТАЛИЈА: Македонската тенисерка елиминирана по голема борба

Најдобрата македонска тенисерка Лина Ѓорческа не успеа да се пласира во третото коло на ВТА 125 турнирот во Анталија, Турција. Ѓорческа во второто коло загуби од Италијанката Аурора Зантедески со 1-2 во сетови. Македонската тенисерка одлично го започна мечот и го освои првиот сет со 6-4. Сепак, Зантедески успеа да се врати во натпреварот и со 6-3 го израмни резултатот во сетови. Во решавачкиот сет Италијанката беше поуспешна и славеше со 6-1, со што стави крај на настапот на Ѓорческа во Анталија. Мечот траеше два часа и 15 минути, а македонската тенисерка со пласманот во второто коло освои 15 ВТА поени.

Следен предизвик во Љубљана за Ѓорческа

За Ѓорческа нема многу време за одмор, бидејќи следната недела ја очекува нов настап на ВТА 125 турнирот во Љубљана, каде ќе се обиде да стигне до подобар резултат.

Нов турнир и нова шанса

Македонската тенисерка во Анталија покажа дека може рамноправно да се носи со квалитетни противнички, но овојпат не успеа да го направи последниот чекор кон третото коло.