ПОЗНАТ АЛБАНСКИ ПЕЈАЧ ЗАСТРЕЛАН, РАНЕТ ВО АРАЧИНОВО: Полицијата трага по напаѓачот

Познатиот албански пејач Азиз Мурати бил застрелан синоќа на влезот во Арачиново. Станува збор за 48-годишен скопјанец, кој според информациите бил погоден околу 1:50 часот. Според полицијата, кон Мурати пукало лице кое тој го познавал, а кое во моментот било во автомобил заедно со уште едно лице. По нападот, повредениот бил пренесен во болницата „Св. Наум Охридски“ во Скопје, каде му била укажана лекарска помош. Неговата здравствена состојба е стабилна и, според досегашните информации, е надвор од животна опасност.

Мурати познат по албанска народна музика

Азиз Мурати е долгогодишен изведувач на албанска фолклорна музика и е познат по настапите на свадби и семејни веселби.

Истрагата треба да ги утврди околностите

Полицијата работи на расчистување на случајот и на утврдување на сите околности под кои дошло до пукањето, како и на идентификување и пронаоѓање на сторителот.