ХОРОР ВО ПЕТРОВЕЦ: Со автомобил ја влечел мајка си околу 20 метри

Дваесет и четиригодишен жител на скопско село во Општина Петровец бил приведен по тежок инцидент во кој била повредена неговата 42-годишна мајка. Според информациите од Министерството за внатрешни работи, настанот се случил додека осомничениот управувал автомобил „фиат“ со скопски регистарски ознаки. Тој, наводно, ја фатил жената преку отворениот прозорец од возилото.

Ја влечел со автомобил, па побегнал

Од МВР информираат дека 24-годишникот ја влечел својата мајка околу 20 метри, по што го напуштил местото. Жената се здобила со повреди и била пренесена во Градската општа болница „Св. Наум Охридски“. Таму ѝ била укажана потребната медицинска помош.

Полицијата го привела осомничениот

Полициски службеници од СВР Скопје го пронашле и го лишиле од слобода осомничениот околу 20:30 часот. Од полицијата соопштија дека работат на целосно расчистување и документирање на случајот. По завршувањето на постапката, против него ќе биде поднесена соодветна пријава.