Идентификувано телото извлечено од Вардар

Семејството го препознало 83-годишниот скопјанец

Телото кое вчера беше извлечено од водите на реката Вардар во скопската општина Гази Баба е идентификувано. Станува збор за 83-годишниот Т.Г. од Скопје, чиј син на 24 август пријавил дека се оддалечил од домот и не се вратил. Телото било извлечено од екипа на Бригадата за противпожарна заштита Скопје, а потоа било извршено препознавање од страна на семејството.

Телото предадено на обдукција

Случајот бил пријавен во СВР Скопје вчера во 06:10 часот, откако било забележано човечко тело во водите на Вардар. На местото бил извршен увид, а по наредба на јавен обвинител телото е предадено во Институтот за судска медицина за обдукција. Надлежните институции продолжуваат со утврдување на сите околности поврзани со трагичниот случај.