МБАПЕ И ДЕМБЕЛЕ ВО КЛИНЧ: „Златната топка“ ги разгоре страстите меѓу Французите

Килијан Мбапе и Осман Дембеле се во центарот на вниманието поради борбата за „Златната топка“, а нивните последни изјави дополнително ја засилија конкуренцијата меѓу двајцата француски репрезентативци. Мбапе зборуваше за различните патишта по кои тргнале во кариерата, истакнувајќи дека тој уште од рана возраст бил означен како „избраниот“, додека Дембеле морал да минува низ бројни проблеми и повреди. Токму оваа изјава очигледно не му се допадна на Дембеле, кој порача дека никогаш не бил „избраниот“, туку дека работел исклучително напорно за да стигне до врвот. Французинот минатата година ја освои престижната индивидуална награда по фантастичната сезона со ПСЖ, но оваа година повторно е во трка за најголемото индивидуално признание.

Дембеле со одговор до Мбапе

„Како што кажав, јас никогаш не бев избраниот. Но, работев неверојатно напорно“, порача Дембеле, со што неговата изјава беше протолкувана како одговор на зборовите на Мбапе. Тој сака да нагласи дека успехот го постигнал преку огромен труд и покрај бројните повреди кои го забавуваа неговиот развој.

Борбата за „Златната топка“ станува интересна

Од друга страна, Мбапе јавно истакнува дека смета оти токму тој ја заслужува „Златната топка“ оваа година. Дополнителната тензија меѓу двајцата Французи може да биде интересна и за репрезентацијата, особено со оглед на тоа што нов селектор на Франција е Зинедин Зидан, кој ќе треба да внимава на односите меѓу двете големи ѕвезди.