НОЌНА АКЦИЈА : Се обновуваше хоризонталната сигнализација

Екипите на ЈП „Улици и патишта“ – Скопје во текот на изминатата ноќ работеа на обновување на хоризонталната сообраќајна сигнализација на булеварот „Кочо Рацин“. Активностите се изведуваа рачно и машински, со цел подобрување на безбедноста и условите за движење на сите учесници во сообраќајот.

Обновени линиите и автобуските постојки

Со специјализирани машини била обновена бојата на надолжните и испрекинатите линии на булеварот. Истовремено, работниците рачно ги обележувале автобуските постојки долж сообраќајницата.

Активностите продолжуваат низ Скопје

Од претпријатието најавуваат дека обновувањето на хоризонталната сигнализација ќе продолжи и во наредниот период. Работите ќе се изведуваат според однапред утврдената динамика и ќе ги опфатат останатите градски сообраќајници. Одржувањето на сигнализацијата е дел од редовните активности за зголемување на безбедноста во сообраќајот.