Новата царина ги намали малите пратки од Кина: Temu со пад на продажбата од 50 отсто

Три евра царина за пратки до 150 евра

Увозот на мали пратки во Европската Унија, особено од Кина, е намален за 30 до 40 отсто по воведувањето на новата царина. Од 1 јули за пратките во вредност до 150 евра се наплаќа паушална царина од три евра по категорија производи, додека претходно овие пратки не подлежеа на царина. Најголем удар претрпеле големите кинески платформи за онлајн трговија, при што продажбата преку Temu од јуни до јули се намалила за 50 отсто. Кај AliExpress падот изнесувал 37 отсто, а кај Shein 15 отсто.

Во ЕУ пристигнувале над 16 милиони пратки дневно

Во текот на 2025 година во Европската Унија биле внесени 5,9 милијарди производи со ниска вредност, односно повеќе од 16 милиони пратки дневно. Европската комисија смета дека претходниот систем им давал предност на големите странски платформи во однос на европските трговци, а промените се поврзани и со безбедносни ризици. Според истражување спроведено во ЕУ, повеќе од 60 отсто од проверените производи со ниска вредност не ги исполнувале европските барања или безбедносни стандарди. Мерката е привремена и треба да важи до пошироката реформа на царинскиот систем планирана за 2028 година, а веќе во ноември се разгледува можноста за дополнителни трошоци за обработка на пратките.