ПУКАЊЕ ВО УЧИЛИШТЕ ВО ФРАНЦИЈА: 14-годишен ученик ги застрела директорот и наставничка

Четиринаесетгодишен ученик денеска отворил оган во училиштето „Жозеф Лаканал“ во градот Обан, во јужна Франција, при што ги повредил директорот и една наставничка. Инцидентот се случил утрото, а осомничениот ученик бил совладан од вработените и приведен од полицијата. Според првичните информации, повредените не се во животна опасност.

Ученикот од Франција пукал со ловечка пушка

Според медиумските извештаи, ученикот во училиштето влегол со ловечка пушка, која ја криел во футрола за гитара, а потоа испукал неколку истрели. Во инцидентот била повредена и трета личност, која се здобила со полесни повреди. Полицијата го привела осомничениот, а надлежните органи започнале истрага за да ги утврдат околностите на нападот.

Властите го осудија насилството

Француските министри за внатрешни работи и за образование се упатиле кон местото на настанот. Според првичните информации од властите, нападот не е поврзан со протестите на учениците што се одржуваат во Франција поради состојбите во образованието. Мотивот за пукањето засега не е познат.