Македонија
Дознај прв
РЕКОРДНА НАПЛАТА НА ЦАРИНАТА: Во јули собрани 227 милиони евра
Царинската управа во јули оствари рекордна наплата од 227 милиони евра, што е раст од 11,8 отсто во однос на истиот месец лани.
Приходите зголемени за 11,8 отсто
Царинската управа во јули остварила историски највисока месечна наплата на приходи од 14,14 милијарди денари, односно околу 227 милиони евра. Во споредба со јули минатата година, наплатата е повисока за 1,5 милијарди денари или 11,8 отсто. Директорот Бобан Николовски оцени дека резултатите го потврдуваат трендот на зголемена ефикасност на системот изграден во изминатите две години. Според анализата, растот најмногу се должи на набавките на опрема од Министерството за одбрана и зголемениот увоз на нафта, нафтени деривати и тутунски производи.
Од почетокот на годината собрани 1,3 милијарди евра
Од јануари до крајот на јули Царинската управа остварила вкупни приходи од 80,5 милијарди денари, односно околу 1,3 милијарди евра. Тоа е за 87,6 милиони евра повеќе во споредба со истиот период минатата година. Николовски најави продолжување на модернизацијата и попрецизно таргетирање на ризиците, со цел истовремено да се зајакнат безбедноста, буџетските приходи и конкурентноста на македонската економија. Од Царинската управа велат дека целта е да се создадат подобри услови за водење бизнис без забавување на економската активност.
