САКАЛ ДА РАЗДЕЛИ ТЕПАЧКА, ЗАВРШИЛ НА КЛИНИКА: Избоден 24-годишен скопјанец во Градски парк

Дваесет и четиригодишен скопјанец бил повреден со остар предмет во Градскиот парк, во близина на локалитетот „Фонтана“. Според неговата изјава, инцидентот се случил додека се обидувал да раздели физичка пресметка меѓу неколку лица. Полициските службеници го затекнале повредениот Н.Н. заедно со двајца негови другари.

Повреден додека се обидувал да ја прекине тепачката

Од МВР информирале дека едно од лицата кои учествувале во пресметката му нанело убодна повреда со остар предмет. Засега не се објавени дополнителни информации за идентитетот на напаѓачот или за причините поради кои започнала тепачката.

Итно пренесен во Клиничкиот центар

Повредениот бил пренесен во Комплексот клиники „Мајка Тереза“ во Скопје, каде што му била укажана лекарска помош. Полицијата презема мерки за целосно расчистување на случајот и утврдување на одговорноста на учесниците во инцидентот.