СИЛЕН ЗЕМЈОТРЕС ЈА РАЗБУДИ АЛБАНИЈА: Тресеше 4,8 степени, почувствуван и во Црна Гора, Грција и Италија

Земјотрес со јачина од 4,8 степени според Рихтер ја погоди Албанија во раните утрински часови во недела, 30 август.

Силен и краток земјотрес

Земјотресот бил регистриран во 00:35 часот, со епицентар на координати 40,1 северна географска ширина и 19,88 источна географска должина. Според Европско-медитеранскиот сеизмолошки центар, хипоцентарот бил на длабочина од околу 5 километри, што придонело потресот да биде силно почувствуван во поширокиот регион.

Граѓаните исплашени од потресот

Жителите на погодените подрачја на социјалните мрежи опишуваат дека ударот бил силен, краток и многу гласен, при што дел од нив биле разбудени од сон. Потресот бил почувствуван и во Црна Гора, Грција и Италија, покажуваат податоците на ЕМСЦ. Засега нема информации за повредени лица или материјална штета, а надлежните служби ја следат состојбата.