Регион
Дознај прв
(ВИДЕО) ГРЧКИ Ф-16 СЕ ЗАПАЛИ ЗА ВРЕМЕ НА ЛЕТ: Пилотот итно слетал на Закинтос
Грчки Ф-16 се запали за време на лет и итно слета на Закинтос, а пилотот помина без повреди.
Грчки воен авион Ф-16 се запалил за време на лет, по што пилотот бил принуден итно да слета на меѓународниот аеродром на островот Закинтос. Според локалните медиуми, авионот слетал додека пламенот сè уште бил видлив, а пожарот потоа се проширил и на дел од пистата. На снимките од местото на настанот се гледа како противпожарни екипи интервенираат и го гаснат авионот со силни млазови вода. Пилотот успешно го спуштил авионот и не е повреден. Причината за пожарот засега не е позната, а надлежните служби ги истражуваат околностите на инцидентот.
Пилотот поминал без повреди
И покрај драматичните сцени, пилотот успеал безбедно да го спушти авионот на пистата во Закинтос. Според првичните информации, леталото полетало од 116. борбено крило на грчките воздухопловни сили во базата Араксос, а се проверува дали проблем со опремата за слетување можел да биде причина за инцидентот.
Нарушено работењето на аеродромот
Поради оштетениот авион кој останал на пистата, работењето на аеродромот било нарушено, а дел од летовите биле одложени или откажани. Грчките власти во моментов ја проценуваат штетата на авионот и ги утврдуваат причините за пожарот.
View this post on Instagram
