МЛАДИТЕ ПАРАВНИЦИ СО АПЕЛ ДО ГРАЃАНИТЕ: Пријавете локации со несобран отпад во Скопје

Македонското здружение на млади правници започна иницијатива со која ги повикува граѓаните да пријавуваат локации во Скопје каде што има несобран комунален отпад. Целта е да се побара инспекциски надзор и реакција од надлежните институции за решавање на проблемот со отпадот. Од здружението посочуваат дека граѓаните можат да помогнат во документирањето на состојбата на терен.

Фотографии и видеа како доказ за проблемот

За секоја пријава потребно е да се достави фотографија или видео од отпадот, точната локација, како и датумот и времето кога е направена снимката. На овој начин ќе се обезбедат конкретни информации за местата на кои има проблем со несобраниот комунален отпад.

Пријавете по приватна порака или е-пошта

Граѓаните можат да ги испраќаат пријавите преку приватна порака или на електронската адреса contact@myla.org.mk. Од здружението повикуваат на вклучување на јавноста со цел надлежните институции да бидат информирани за проблематичните локации и да преземат соодветни мерки.