Спорт
Дознај прв
ВРИЈАТ СТРАСТИТЕ ПРЕД ВЕЧНОТО ДЕРБИ: Кошаркар пронашол заканувачка порака на неговото возило во Аеродром
Кошаркар од Скопје пријавил закани откако пронашол заканувачко ливче на автомобилот во Аеродром. Случајот се случува пред дербито МЗТ – Работнички.

Тензиите пред вечерашното вечно кошаркарско дерби меѓу МЗТ Скопје и Работнички добиваат нова димензија. Кошаркар, за кого според нашите информации станува збор за играч на Работнички, пријавил закани откако на својот автомобил пронашол заканувачко ливче во подземна гаража во скопската општина Аеродром. Според информациите од МВР, случајот го пријавил К.Н. (30) од Скопје во СВР Скопје. Тој пријавил дека и претходниот месец добил заканувачка порака преку социјална мрежа, поврзана со кошаркарскиот клуб во кој настапува.
Заканите продолжиле и преку порака на автомобилот
Овојпат заканувачката порака била оставена на неговото возило во подземна гаража. Од Министерството за внатрешни работи информираат дека се преземаат мерки за расчистување на случајот и утврдување на сите околности.
Дербито се игра вечерва во Аеродром
Натпреварот меѓу МЗТ Скопје и Работнички се игра вечерва од 19 часот во спортскиот центар „Јане Сандански“. Се очекува голема посетеност и наелектризирана атмосфера, како на теренот, така и на трибините.

