ВОЗАЧ-ПОЧЕТНИК „ЛЕТАЛ“ СО 211 КИЛОМЕТРИ НА ЧАС: Приведен кај Кондово, автомобилот му е одземен

Осумнаесетгодишен возач-почетник бил приведен откако полицијата го измерила како управува автомобил со брзина од 211 километри на час. Тој бил запрен на автопатот Скопје–Тетово, во близина на клучката Кондово. Младиот возач управувал автомобил „фолксваген артеон“.

Возел повеќе од двојно над дозволеното

При сообраќајната контрола со радар било утврдено дека И.А. (18) се движел со 211 километри на час. Како возач-почетник, максималната дозволена брзина за него на автопат била 100 километри на час. Тој ја надминал дозволената брзина за дури 111 километри на час.

Возилото е одземено

Од Министерството за внатрешни работи соопштиле дека возачот бил лишен од слобода и задржан во полициска станица. Поради стореното кривично дело, полицијата го одзела и автомобилот со кој управувал. По целосното документирање на случајот ќе следува понатамошна постапка.