ПОДГОТВЕТЕ СЕ ЗА НОВО НЕВРЕМЕ: Дожд, грмежи и силен ветер низ Македонија

Македонија ја очекува значителна промена на временските услови, со посвежо и нестабилно време. Во повеќе делови од земјата се прогнозираат повремени врнежи од дожд, кои локално може да бидат поројни и пообилни. Нестабилноста ќе биде проследена со грмежи и засилен ветер.

Локално над 15 литри дожд

Според најавата, на одредени места може да наврнат повеќе од 15 литри дожд на квадратен метар. Долж Повардарието ветерот повремено ќе достигнува брзина поголема од 50 километри на час. Дневните температури низ земјата ќе се движат од 20 до 27 Целзиусови степени.

Пороен дожд и во Скопје

Во Скопје ќе преовладува променливо облачно и посвежо време со повремени врнежи од дожд. Во делови од котлината врнежите може да бидат поројни и проследени со грмежи и засилен ветер. Ќе дува слаб до умерен ветер од северен правец, додека максималната температура ќе достигне 26 степени.