МАКЕДОНИЈА ЈА ПОЧНУВА БИТКАТА ЗА ЕВРОБАСКЕТ 2029: Австрија ќе нè пречека во Виена

Македонската машка кошаркарска репрезентација на 30 август ќе го одигра првиот натпревар во втората рунда од претквалификациите за Европското првенство во 2029 година. Избраниците на селекторот Жозеп Марија Берокал ќе гостуваат кај Австрија во „Спорт Арена Виена“, а натпреварот ќе започне во 16:05 часот. Македонија е слободна во првото коло, па дуелот во Виена ќе биде првиот сериозен тест во новиот квалификациски циклус.

Македонија влегува со максимален ефект

Нашата репрезентација ја заврши првата фаза со шест победи во исто толку натпревари и го освои првото место во својата група. Македонија сега е меѓу 12-те селекции што ќе се борат за четири места во главните квалификации за Евробаскет 2029. Во групата „Ф“, покрај Македонија и Австрија, се наоѓа и репрезентацијата на Кипар, а само првопласираната селекција ќе продолжи понатаму.

Австрија повика и кошаркар од НБА

Австријците се еден од главните конкуренти на Македонија, а на поширокиот список се наоѓа и центарот на Торонто репторс, Јакоб Пелтл. Последните официјални дуели меѓу двете селекции биле одиграни во квалификациите за Европското првенство во 2005 година, кога Македонија славела со 101:75 на гости и со 99:62 на домашен терен. Победа во Виена би била голем чекор за националниот тим кон освојување на првото место во групата и продолжување на успешната квалификациска серија.