НОВИ ЦЕНИ НА ГОРИВАТА ОД ПОЛНОЌ: Бензините поевтинуваат за два денари, дизелот поскапува

Бензините со пониски цени

Од полноќ бензините ќе поевтинат за два денари по литар, согласно со најновата одлука на Регулаторната комисија за енергетика. Еуросупер БС-95 ќе се продава по максимална цена од 91 денар за литар. Новата цена на Еуросупер БС-98 ќе изнесува 93 денари за литар. Од РКЕ информираат дека во пресметката е применет намален износ на акцизата од два денари за литар кај бензините.

Поскапуваат дизелот и екстралесното масло

За разлика од бензините, дизел-горивото од полноќ поскапува за еден денар и ќе чини 99,5 денари за литар. Екстралесното масло за домаќинство поскапува за половина денар, па новата цена ќе изнесува 98,5 денари за литар. Малопродажната цена на мазутот, пак, се намалува за 1,680 денари за килограм. Новите максимални малопродажни цени ќе почнат да важат од полноќ.