НОВ СЛУЧАЈ НА ЗАПАДНОНИЛСКА ТРЕСКА: Тројца пациенти се во критична состојба

Хоспитализиран 76-годишен пациент

Во изминатото деноноќие на Клиниката за инфективни болести е хоспитализиран уште еден 76-годишен пациент со позитивна серологија за вирусот Западен Нил. Кај пациентот е потврдено воспаление на мозокот и мозочните обвивки од вирусно потекло, а за утврдување на невроинвазивната форма на болеста ќе бидат направени дополнителни испитувања. Со најновиот случај, седум пациенти се водат како клинички сомнителни, додека кај десет лица е потврдена западнонилска треска. Сите пациенти се од Скопје.

Тројца пациенти се на механичка вентилација

Тројца од заболените се во критична состојба, сместени се на Одделот за интензивна нега и се приклучени на механичка вентилација. Нивната здравствена состојба засега останува непроменета. Директорот на Клиниката, д-р Фадил Цана, посочи дека најризични се лицата постари од 60 години, хронично болните и луѓето со ослабен имунитет. Кај околу 80 проценти од заразените, болеста поминува без симптоми или со полесна клиничка слика.