ЖЕШКО ВРЕМЕ СО ТЕМПЕРАТУРИ ДО 39 СТЕПЕНИ: Попладне локален дожд и грмежи

Сончево и многу топло во поголемиот дел од земјата

Денеска во Македонија ќе преовладува сончево и многу топло време со мала до умерена локална облачност. Максималните дневни температури ќе се движат од 31 до 39 степени, додека утринските ќе бидат меѓу 13 и 21 степен. Ќе дува слаб до умерен ветер од променлив правец. Најтопло се очекува да биде во југоисточните и централните делови од земјата.

Попладне услови за пороен дожд

Во попладневните часови локално ќе има развој на нестабилна облачност, проследена со краткотраен пороен дожд и грмежи. На одредени места врнежите краткотрајно може да бидат пообилни. Во Скопје ќе биде сончево и многу топло, со температура до 38 степени. Попладне во делови од котлината ќе има зголемена облачност и услови за краткотраен дожд и грмежи.