ПРОМЕНЛИВО ОБЛАЧНО СО ДОЖД: Дожд во повеќе делови од земјава, во Скопје до 9 степени

Променливо облачно време со повремени локални врнежи од дожд се очекува денеска низ Македонија. Ќе дува слаб до умерен ветер од југоисточен правец, кој долж Повардарието повремено ќе биде засилен. Во поголем дел од земјата утринските температури ќе се движат од 0 до 9 степени, додека дневните ќе достигнат од 8 до 13 степени.

Дожд и облаци во повеќе региони

Највисока дневна температура од 13 степени се очекува во југоисточните делови од земјата, додека во западните и северните региони ќе биде посвежо. Во некои места минималните температури ќе се спуштат до нула степени.

Какво време нè очекува во Скопје?

Во Скопје ќе биде променливо облачно, со повремени врнежи од дожд со слаб интензитет. Ќе дува слаб ветер од променлив правец, а температурата ќе се движи од 3 до 9 степени.