ЕКСПЛОЗИЈА ВО БЕЛГРАД: Рачна бомба фрлена кон тераса, оштетени автомобили и локали

Детонацијата одекнала околу три часот

Силна експлозија одекнала ноќеска околу три часот пред станбена зграда во белградската населба Звездара. Според првичните информации, непознато лице најверојатно фрлило рачна бомба М-75 кон терасата на 24-годишен жител на зградата. Направата се одбила од терасата и паднала на тротоарот меѓу паркираните автомобили, каде што експлодирала. Младиот човек изјавил дека се сомнева оти нападот бил насочен кон него, бидејќи пред околу еден месец му бил запален автомобилот.

Нема повредени лица

Во експлозијата биле оштетени три паркирани автомобили, како и блиските локали, чии излози се искршиле од силната детонација. Видливи оштетувања има и на фасадата и на влезната врата од соседната зграда. За среќа, во инцидентот нема повредени лица. Полицијата и надлежното обвинителство работат на утврдување на сите околности и на пронаоѓање на лицето кое ја фрлило бомбата.