ТРАГЕДИЈА ВО АЛЈАСКА – Се урна авион, нема преживеани

Во еден авион имало осум лица

Мал авион со осум лица се урна во оддалечен дел на Алјаска, при што според последните информации нема преживеани. Несреќата ја потврди Командата на Алјаска, а во авионот се наоѓале двајца пилоти и шест патници. Авионот „Цесна 441“ полетал од Анкориџ и летал кон радарската локација Кејп Њуенхам. Според американската Федерална администрација за воздухопловство, леталото се урнало западно од аеродромот во близина на радарската локација. Инцидентот се случил во тешко достапен и оддалечен дел од Алјаска.

Во тек била операција за пребарување

По несреќата била активирана операција за пребарување и спасување, во која учествувала Националната гарда на Алјаска. Гувернерот на сојузната држава изразил сочувство до семејствата на загинатите, додека сенаторката Лиза Мурковски упати порака до најблиските на жртвите. Авионот бил управуван од компанијата „Секјурити авиејшн“, која нуди чартер-летови низ Алјаска. Надлежните продолжуваат со утврдување на околностите под кои дошло до падот.