ЗБОГУМ ЗА ЕДНА ОД НАЈГОЛЕМИТЕ ЅВЕЗДИ НА КАНТРИТО: Доли Партон почина на 80 години

Доли Партон, една од најпознатите и највлијателни кантри-музичарки во историјата, почина на 80-годишна возраст во својот дом во Нешвил. Тажната вест ја соопшти нејзиниот внук Брајан Сивер преку нејзиниот профил на Инстаграм, а информацијата ја потврди и нејзиниот претставник. Партон со децении беше глобална музичка икона, позната не само по својот глас, туку и по авторските песни кои станаа безвременски хитови.

Од скромно детство до светска слава

Партон потекнува од сиромашно семејство во Тенеси, но уште како дете го покажала својот исклучителен музички талент. Првата песна ја напишала на само шест години, а во текот на кариерата создаде голем број хитови. Меѓу најпознатите се „Jolene“ и „I Will Always Love You“, песни кои оставија траен белег во светската музика.

Последните години ги одбележаа здравствени проблеми

Во септември минатата година Партон објави дека ги откажува концертите во Лас Вегас поради здравствени проблеми, а подоцна не присуствуваше ниту на Гувернерските награди, каде требаше да ја прими почесната хуманитарна награда „Џин Хершолт“. И покрај тоа, во изминатите месеци неколкупати се огласи во јавноста уверувајќи ги фановите дека е добро. Нејзината смрт претставува голема загуба за музичкиот свет и за милионите обожаватели ширум светот.