(ВИДЕО) ГРЧКИТЕ РИБАРИ ЌЕ ДОБИВААТ ПАРИ ЗА СЕКОЈ УЛОВЕН КИЛОГРАМ ОД ОПАСНАТА ЗАЈАЧКА РИБА

Мерка против опасен инвазивен вид

Грчките власти воведуваат нова мерка со која професионалните рибари ќе добиваат по 5,33 евра за секој уловен килограм од опасната зајачка риба. Станува збор за отровна и инвазивна риба, позната и како лагоцефалус, која е опасна за консумација и може сериозно да му наштети на морскиот екосистем. Рибата им создава проблеми и на рибарите, бидејќи ја оштетува нивната опрема.

Програмата прво на Крит и во јужниот дел на Егејот

Програмата првично ќе се спроведува во јужниот дел на Егејското Море и на Крит. Мерката е дел од поширок пакет за поддршка на грчкото рибарство и за справување со последиците од ширењето на овој инвазивен вид. Слична програма веќе постои во Кипар, каде што рибарите добиваат надомест за уловена зајачка риба. Проблемот во Грција се актуализирал по извештаите за нагло зголемување на овој вид кај Крит и во други делови од Јужна Грција. Зајачката риба во Медитеранот навлегла преку Суецкиот Канал и постепено се проширила кон запад и север.

 

View this post on Instagram

 

A post shared by 24 часа 🇲🇰 (@24chasa.mk)