Хаос на Евзони: За влез во Грција се чека повеќе од еден час

Долги колони на граничниот премин

Долги колони возила се создадоа утрово на граничниот премин Евзони, каде граѓаните чекаат за влез во Грција. Според информациите, времето на чекање надминува еден час, а редиците се протегаат во должина од повеќе километри. Зголемената фреквенција се должи на продолжениот викенд и големиот број граѓани кои го користат периодот за патување кон грчкото крајбрежје.

Последен продолжен викенд пред почетокот на школската година

Фотографиите од утринава покажуваат голем број автомобили кои чекаат да ја напуштат Македонија и да влезат во Грција. Иако продолжениот викенд трае само три дена, интересот за патување кон соседната земја е голем. Се очекува гужвите на границата да продолжат и во текот на денот, особено во периодите со најголема фреквенција на патници.