Секој понеделник наставата во Гази Баба ќе започнува со интонирање на македонската химна

Одлука за сите основни училишта во Гази Баба

Секој понеделник, наставата во основните училишта на територијата на Општина Гази Баба ќе започнува со интонирање на химната на Република Македонија. Одлуката има цел кај најмладите да се поттикнува почитта кон националните симболи и државата.

Химна – како симбол на државноста и заедништвото

Химната се истакнува како симбол на слободата, државноста, историјата и борбата за самостојна и независна Македонија. Преку оваа иницијатива, училиштата покрај знаењето ќе настојуваат да го развиваат и чувството на припадност, заедништво и почит кон татковината. Љубовта кон Македонија, како што се наведува, треба да се негува уште од најмала возраст, во семејството и образовниот процес. Секој почеток на учебната седмица во Гази Баба отсега ќе биде проследен со интонирање на македонската химна.