ПЛАНИРАНИ ПРЕКИНИ НА СТРУЈАТА: Неколку скопски општини денеска без електрична енергија

Делови од Скопје денеска ќе останат без електрична енергија поради планирани работи на електродистрибутивната мрежа. Според информациите, прекини се најавени во општините Аеродром, Гази Баба, Карпош и Ѓорче Петров.

Во Аеродром, од 08:00 до 15:00 часот без струја ќе бидат корисниците на улицата „Тодор Чангов“.

Во Гази Баба, прекин од 08:30 до 14:30 часот ќе имаат дел од корисниците на улицата „Методија Андонов Ченто“, објектите кај ЗПЗ „Напредок“, сендвичарата „Хит“ и објектите од Триангла до надвозникот кон Ченто.

Во Карпош, од 09:00 до 13:00 часот без струја ќе останат објектите на улицата „Вангел Динуи“ и дел од непарните броеви на улицата „Франце Прешерн“.

Во Ѓорче Петров, прекин од 09:30 до 14:30 часот е најавен за дел од улиците „Браќа Чакреви“ и „Социјалистичка зора“. Информацијата е објавена врз основа на известување од ЕВН Македонија до Регионалниот центар за управување со кризи.