ФАТЕН НА ДЕЛО ВО КИСЕЛА ВОДА: Фрлал кабаст отпад и создавал дива депонија

Веднаш санкциониран од инспекторите

Лице било затекнато на самото место додека фрлало градежен шут и кабаст отпад околу контејнери во скопската општина Кисела Вода. Случајот бил откриен доцна вечерта од инспекторите на Град Скопје, кои веднаш интервенирале. Според информациите, лицето било фатено додека со отпадот создава дивa депонија и веќе било санкционирано. Градоначалникот Орце Ѓорѓиевски порача дека за ваквото однесување нема да има толеранција. Инспекциските служби, според најавата, ќе продолжат со засилени контроли на терен.

Најавени и камери на јавните површини во Кисела Вода

Од Град Скопје посочуваат дека инспекторите се на терен 24 часа, додека е во тек и постапка за поставување камери на јавните површини. Целта е лицата кои непрописно го одлагаат отпадот полесно да бидат откриени и санкционирани. Во Кисела Вода од февруари годинава е овозможено и континуирано собирање на пријавен кабаст отпад преку општинското јавно комунално претпријатие, со цел граѓаните да имаат соодветна можност за негово одлагање.