ХАРИ СТАЈЛС ВЛЕЗЕ ВО ГИНИС: Со 12 концерти на „Вембли“ го урна рекордот на „Колдплеј“

Британската музичка ѕвезда Хари Стајлс постави нов Гинисов рекорд, откако одржа 12 распродадени концерти на стадионот „Вембли“ во Лондон.

Со овој подвиг, Стајлс го надмина претходниот рекорд на „Колдплеј“, кои во 2025 година имаа 10 концерти на истиот стадион. Гинисовата книга на рекорди го призна неговиот успех како најдолга концертна серија на еден музичар на „Вембли“.

Лондонскиот дел од турнејата „Together, Together“ започна во јуни, а заврши на 4 јули, со последен концерт пред десетици илјади фанови. За време на завршниот настап, Стајлс им се заблагодари на поранешните членови на „One Direction“, нагласувајќи дека тие биле важен дел од неговото музичко патување.

Овој рекорд уште еднаш ја потврди огромната популарност на Хари Стајлс, кој од поранешен член на бој-бенд прерасна во една од најголемите светски поп-ѕвезди.