КОНЕЧНО СТАВЕН ПОД КОНТРОЛА ПОЖАРОТ ОД КОЈ БЕШЕ ЗАДИМЕНО ЦЕЛО СКОПЈЕ: 90% од зафатените површини на Жеден се веќе изгаснати

Пожарот на планината Жеден, поради кој во изминатите денови беше задимено речиси цело Скопје, е ставен под контрола. Првиот човек на Дирекцијата за заштита и спасување (ДЗС), Стојанче Ангелов претходно посочи дека токму овој пожар бил причина за чадот кој се ширеше кон главниот град.

(ВИДЕО) ЗАДИМЕНО НАД СКОПЈЕ: Жителите се жалат дека не се дише, бела магла го покри градот

Пожарот зафатил голема површина

Огнот беше активен неколку денови на планината Жеден, а пожарот навлезе и во атарот над селото Бојане. Според информациите од терен, околу 90 проценти од зафатените површини се веќе изгаснати, додека пожарот е ставен под контрола.

Авни Амети, командир на тетовската противпожарна единица, која беше вклучена во гаснењето, информираше дека се изгаснати 90 проценти од зафатените површини со пожарот. Со ова, пожарот е ставен под контрола.

– Ја спасивме шумата. Пожарот беше со голема јачина. Апелирам граѓаните да внимаваат бидејќи температурите се високи за да не настануваат уште пожари. Уморни сме, секој ден има по 12-13 пожари, рече Амети.

Екипите остануваат на терен

Противпожарните екипи продолжуваат со активностите за целосно гаснење и спречување на повторно активирање на огнот. Надлежните упатуваат апел до граѓаните на внимателност, особено поради високите температури и зголемениот број пожари на отворен простор.