КУРТОА ГО ПРЕКИНА МОЛКОТ ПО ДЕРБИТО: Голманот прв од Реал се огласи по поразот од Атлетико

Белгиецот испрати порака по поразот на „Метрополитано“

Тибо Куртоа е првиот фудбалер на Реал Мадрид кој јавно се огласи по поразот од Атлетико Мадрид со 2:1 во градското дерби. По натпреварот, играчите на Реал добиле препорака од клубот да не даваат изјави, но Куртоа сепак се обрати преку социјалните мрежи. Белгискиот голман во пораката се осврна на спорните ситуации од натпреварот, но истовремено посочи дека тимот мора да работи на себе. Реал во второто полувреме остана со десет играчи по црвениот картон за Дин Хујсен, а Атлетико го искористи тоа и стигна до победа од 2:1. Куртоа порача дека некои работи на теренот го фрустрирале тимот, но дека подобрувањето и избегнувањето нови загубени бодови се во рацете на самите играчи.

Куртоа – „Во наши раце е да се подобриме“

„Не фрустрираа некои очигледни работи на теренот, но во наши раце е да се подобриме како тим и да не дозволиме да губиме бодови во иднина“, порача Куртоа. Со ова, голманот стави акцент и на одговорноста на тимот по неуспехот во градското дерби.