ЛАВРОВ Ѝ СЕ ЗАКАНИ НА ЕВРОПА: „Тоа би била многу кратка војна“

Москва предупредува на директен конфликт

Рускиот министер за надворешни работи Сергеј Лавров предупреди дека евентуален напад на европските земји врз Русија би довел до „сосема поинаква војна“, која според него би била „многу кратка“. Лавров изјавата ја даде зборувајќи за војната во Украина, односите со Западот и можните идни преговори. Тој посочи и дека Москва би го сметала распоредувањето западни воени сили во Украина како директна војна на Европа против Русија. Лавров истовремено тврди дека Русија нема намера да ги напаѓа западните земји. Тој рече дека Москва е подготвена за билатерални или трилатерални разговори со Украина, но додаде дека нема големи очекувања од можните преговори. Според него, Русија нема да се откаже од целите што ги поставила на почетокот на инвазијата врз Украина. Изјавите доаѓаат во период на зголемени тензии меѓу Москва и европските земји околу безбедносните гаранции за Украина и можниот ангажман на европски сили.

Лавров вели дека Русија е подготвена за преговори

Шефот на руската дипломатија повтори дека Москва не ги отфрла преговорите со Украина и дека подготвеноста за разговори останува. Во исто време, тој предупреди дека испраќањето европски трупи во Украина би значело директен конфликт со Русија.