Македонија
Дознај прв
МИЦКОСКИ ЗА ДЕНОТ НА АРМ: армијата е чест, одговорност, дисциплина и посветеност
Христијан Мицкоски упати честитка по повод Денот на АРМ и порача дека Армијата е многу повеќе од униформа – таа е чест, одговорност и дисциплина.
Честитка по повод 18 Август
Премиерот Христијан Мицкоски упати честитка по повод 18 Август – Денот на Армијата на Република Македонија. Тој им оддаде признание на сите војници, старешини и припадници на Армијата кои одговорно и достоинствено ја извршуваат својата мисија во служба на државата, граѓаните и мирот. Мицкоски порача дека Армијата е многу повеќе од униформа и дека зад неа стојат чест, одговорност, дисциплина и посветеност. Според него, припадниците на Армијата се силата која стои зад сигурноста на државата и нејзините граѓани.
Благодарност до активните припадници и ветераните
Во честитката премиерот упати благодарност и до ветераните, како и до сите кои низ годините дале придонес во градењето на силна и професионална Армија. Тој истакна дека нивната работа и посветеност претставуваат важен дел од безбедноста и стабилноста на државата. „Со чест и благодарност им оддаваме признание на сите наши војници, старешини и припадници“, порача Мицкоски. На крајот, тој упати честитка до припадниците на Армијата по повод нивниот празник – 18 Август.
