ВАЛАХ ФАНТАСТИЧЕН: Вардар го прегази Олимпијакос со 12 гола разлика

Вардар доминираше во Охрид

РК Вардар со убедлива победа го започна настапот на турнирот „Крсте Андоновски“ во Охрид, откако го декласира Олимпијакос со 39:27. Македонскиот шампион одигра одличен натпревар и покажа доминација, иако настапи без капитенот Лазаревски. По почетните 3:3, Вардар направи серија и поведе со 6:3, а потоа предноста продолжи да расте. Клучна фигура во овој период беше голманот Валах, кој со своите одбрани му овозможи на тимот да стигне до огромни 12:3. На полувреме Вардар замина со предност од 21:11, а Валах веќе имаше 13 одбрани, додека Воркапиќ постигна седум голови.

Валах прогласен за МВП

Во второто полувреме Вардар рутински ја одржуваше предноста и не му дозволи на грчкиот состав да се врати во натпреварот. На крајот, „црвено-црните“ славеа со убедливи 39:27, односно со дури 12 голови разлика. Валах натпреварот го заврши со вкупно 15 интервенции и заслужено беше прогласен за најкорисен играч на средбата. Воркапиќ и Фадуиљ беа најефикасни кај Вардар со по седум постигнати голови.