МИЛВОЛ И ВЕСТ ХЕМ ПОВТОРНО ВО БОЈ: Големото дерби го носи 100-тиот меѓусебен дуел

Ривалството трае повеќе од еден век

Милвол и Вест Хем денеска повторно ќе ги одмерат силите во едно од најпознатите лондонски дербија, кое има историја подолга од еден век. Натпреварот на стадионот „Ден“ ќе биде јубилеен 100-ти натпреварувачки дуел меѓу двата ривали, познат како „Докерско дерби“. Ривалството потекнува од крајот на 19 век и е поврзано со работничките заедници околу лондонските пристаништа и реката Темза. Последниот лигашки натпревар меѓу двата тима се одигра во 2012 година, кога Вест Хем славеше со 2:1. Четиринаесет години подоцна, двата клуба повторно се во иста лига.

Вест Хем во подобра форма пред големиот дуел

Вест Хем во дербито влегува по серија добри резултати и со четири победи во лигата, додека Милвол се обидува да најде континуитет. Посебна опасност за домаќините ќе биде Џаред Боуен, кој постигна гол на три од последните четири лигашки натпревари. Поради историјата на ривалството, за натпреварот се преземаат и засилени безбедносни мерки во Лондон. Дуелот ќе започне денес во 13:30 часот.