МЗ: СОСТОЈБАТА ВО ГОСТИВАР Е СТАБИЛНА: Нема нови хоспитализации ниту нови случаи на западнонилска треска

Епидемиолошката состојба во Гостивар е стабилна и континуирано се следи од надлежните здравствени институции, информира Министерството за здравство. Во текот на 1 август биле регистрирани 57 први прегледи, што е за три помалку во споредба со претходниот ден, кога биле евидентирани 60. Во последното деноноќие немало нови хоспитализации.

Над илјада пријави за заразна болест

Заклучно со 1 август, регистрирани се вкупно 1.041 формална пријава за заразна болест. Во истиот период биле изработени и 734 нови епидемиолошки анкети. Овие податоци се дел од засилениот надзор што се спроведува по здравствената криза во Гостивар.

Нема нови потврдени случаи на западнонилска треска

До Институтот за јавно здравје не се пријавени нови лабораториски потврдени случаи на западнонилска треска. Министерството за здравство, во координација со ИЈЗ и другите надлежни установи, продолжува внимателно да ја следи состојбата. Јавноста ќе биде навремено информирана доколку се појават нови сознанија.