НАЈМАСОВЕН НАПАД ВРЗ МОСКВА: Украина испрати 620 дронови, најмалку тројца повредени

Погоден магацин на најголемата руска онлајн компанија

Украина ноќеска извршила еден од најмасовните напади со беспилотни летала врз Москва и Московската област во последните две години. Според градоначалникот на Москва, Сергеј Собјанин, од синоќа до пет часот наутро биле насочени 620 дронови кон Москва и околината, од кои 180 биле уништени. Во нападите бил погоден магацин на „Вајлдберис“, најголемата руска компанија за онлајн трговија, при што избувнал пожар.

Оштетени куќи, згради и електроцентрали

Гувернерот на Московската област, Андреј Воробјов, соопшти дека се оштетени и други објекти, меѓу кои куќи, станбени згради, продавници и електроцентрали. Според досегашните информации, најмалку три лица се повредени. На местата каде што паднале остатоци од дроновите биле испратени екипи на службите за итни случаи. Нападот претставува ново сериозно ескалирање на воздушните напади врз руската престолнина и нејзината околина.