НОВИ КЛУПИ НА ПОВЕЌЕ ЛОКАЦИИ ВО ЧАИР: Општината продолжува со уредување на јавните простори

Поставени се вкупно 20 нови клупи

Општина Чаир постави 20 нови клупи на повеќе локации со цел да обезбеди подобри услови за одмор и престој на граѓаните. Новата урбана опрема е поставена во Топаана, Гази Баба и на улицата „Емин Дураку“. Клупи се поставени и зад Чаирската џамија, како и во близина на маркетот „Сарај“ во Чаир. Со интервенцијата треба да се подобрат функционалноста и изгледот на јавните површини во овие населби.

Уредувањето ќе продолжи и во другите населби

Од Општина Чаир најавуваат дека поставувањето нова урбана опрема ќе продолжи и на други локации. Следните места ќе бидат избирани согласно со потребите на населбите и барањата што ги доставуваат граѓаните. Целта е да се создаде поуредена, пофункционална и поквалитетна урбана средина за жителите. Општината посочува дека активностите се дел од пошироките заложби за подобрување на условите на јавните простори.